Монголын Хөрөнгийн биржид бүртгэлтэй зарим томоохон хувьцаат компаниудын Төлөөлөн удирдах зөвлөл /ТУЗ/ сар шинийн өмнө хуралдаж хувьцаа эзэмшигчдэдээ ногдол ашиг тараах эсэх асуудлыг хэлэлцжээ. Тухайлбал, "АПУ" ХК-ийн ТУЗ-ийн хурлаар хувь эзэмшигчдэдээ 2011 оны үйл ажиллагааны ашгаас нэгж хувьцаанд 60 төгрөгийн ногдол ашиг тараахаар болсон байна. АПУ ХК нь анх 1992 онд нийт 74 287 700 ширхэг хувьцааг нэг бүрийг нь 100 төгрөгийн нэрлэсэн үнэтэйгээр арилжиж эхэлсэн. Өнгөрсөн 19 жилийн хугацаанд нийт ашгийн хэмжээ 36 405 508 700, нэгж хувьцааны дансны үнэ 672.85 төгрөгт хүрээд байгаа ажээ. С.Жигүүр