Дуурийн дуучин Ө.Уянга “Монгол” тоглолтынхоо үргэлжлэл болгож “Монгол-2” гэх тоглолтоо ирэх зургадугаар сард үзэгчиддээ толилуулахаар болжээ. Дуучин Ө.Уянга амралт аваад уран бүтээлээ орхилгүй  бусад  уран  бүтээлчдийн тоглолтод оролцох юм байна. Тэрээр энэ удаад  АЖ, зууны манлай дуучин Х.Уртнасангийн  уран бүтээлийн тоглолтод өөрийн хувь нэмрээ оруулж үзэгч түмэнтэйгээ учран золгох юм. Харин  ирэх  зун толилуулах “Монгол-2” тоглолтын бэлтгэл ажил болгож хэд хэдэн уран бүтээлээ клипжүүлж, цоо шинэ дуугаар урын сангаа нэмэгдүүлэх гэнэ. Тэрээр үзэгчдээ удаан чилээлгэлгүй ирэх  дөрөвдүгээр сараас эхлэн шинэ клипүүдээ олны хүртээл болгох ажээ. П.Наран