“Дэлхийн зөн Монголд” олон улсын байгууллагаас өнөөдөр “Ханган нийлүүлэгчдийн анхдугаар уулзалт зөвлөгөөн”- ийг Чингис зочид буудалд зохион байгууллаа. Энэхүү уулзалтад тус байгууллагатай хамтран ажилладаг 500 гаруй байгууллага аж ахуйн нэгжийн төлөөлөл болох 130 зочид хүрэлцэн ирсэн юм. Энэ үеэр Дэлхийн зөн олон улсын байгууллагын үйл ажиллагаа, Монгол дахь салбарын онцлог, тус байгууллагад бараа бүтээгдэхүүнээ нийлүүлснээр нийгмийн тусламж үйлчилгээ шаардлагатай хүүхэд багачуудад зориулдаг талаар мэдээлэл өглөө. Мөн “Дэлхийн зөн Монголд” олон улсын байгууллагын дэргэд “Хөх тэнгэрийн хүүхдүүд” хамтлагийн багачууд оролцогчдод өөрсдийн уран бүтээлээ сонирхуулав. Мөн таваас дээш жил хамтран ажилласан байгууллага аж ахуйн нэгжүүдийг алдаршууллаа. Шилдэг хамтран ажилладаг байгууллагаар “Мөнх ногоон тал” ХХК, “Азричи” ХХК, “Аргасун мюзик” ХХК, “Анун” ХХК, “Есүүдийн батууд” ХХК тус тус шалгарав.
Сонирхуулахад, “Хүүхэд бүрийн сайн сайхан амьдралын төлөө” уриатай “Дэлхийн зөн” олон улсын байгууллагын үндэслэгч Боб Пийрс 1948 онд Солонгос улсад анх хүмүүнлэгийн үйл ажиллагаагаа эхлүүлж байжээ. Харин “Дэлхийн зөн Монголд” байгууллага 1995 онд үйл ажиллагаа эхлүүлсэн бөгөөд одоо 32 салбар нэгжтэй, 10 гаруй төсөл хөтөлбөрийг хэрэгжүүлж байгаа аж. Энэ хугацаанд 86 мянга гаруй хүүхэд, тэдний гэр бүлийн хөгжил, амьдарч байгаа орон нутгийг нь дэмжсэн үйл ажиллагааг өрнүүлжээ.
Н.Ариунаа П.Наран