Цагдаагийн дарга нарыг өөрсдийнх нь хүсэлтээр цагдан хорих төв рүү ачихаар болжээ. Учир нь саяхан болсон шүүх хурлын үеэр тэдний биеийн байдал муудаж, Сүхбаатар дүүргийн эмнэлэгт ар гэрийнхний хүсэлтээр цагдаагийн экс удирдлагуудыг эмчлүүлж байсан билээ.
Өчигдөр тэднийг Сүхбаатар дүүргийн шүүхээс гаргасан захирамжийн дагуу ШШГЕГ-ын харъяа хорих 461 дүгээр ангийн эмнэлэгт хэвтүүлэн эмчлүүлэхээр цагдаагийнхан ирсэн ч Сүхбаатар дүүргийн II эмнэлгийн эмч болон ар гэрийнхнийхэн эсэргүүцлээс үүдэн албадан баривчлах ажиллагааг зогсоосон.
Тэднийг өнөөдөр дахин албадан уг эмнэлэг рүү зөөвөрлөх байсан хэдий ч дахин үл ойлголцох асуудал үүсээд байгаа ажээ. Энэ талаар 16.00 цагт Сүхбаатар дүүргийн шүүх дээр генерал Ч.Амарболдын өмгөөлөгч О.Алтангэрэл олон нийтэд хандаж мэдээлэл хийх юм байна. Түүний хийх мэдэгдлийн дараа цагдаагийн экс удирдлагуудыг ШШГЕГ-ын харъяа эмнэлэгт эмчлэх үү, үгүй юу гэдэг асуудал шийдэгдэх ажээ.
С.Жигүүр