“Монголын хошин урлагийн жүжигчдийн анхдугаар их наадам” ирэх сарын 1-нд зохион байгуулагдахаар боллоо. Тус наадамд Монголын хошин урлагийн бүх хамтлаг, продакшнууд оролцож үзэгчдэд уран бүтээлээ хүргэхийн сацуу уран бүтээлчдийн үзэсгэлэнг зохион байгуулахаар болжээ. Түүнчлэн Монголд хошин урлагийн үндэс суурийг тавьсан алтан үеийн жүжигчид болох Цэвээнравдан, Дашхүү, Жанчив, Латип, Батзаяа, Батсүх, Сосорбарам, Туяа, Чаминчулуун, Жагдаг, нарын олон сайхан уран бүтээлчиддээ энэ цагийн уран бүтээлчдээс нь хүндэтгэл үзүүлэх бөгөөд залуу уран бүтээлчдээ урамшуулан шагнах гээд олон олон арга хэмжээнүүд болох юм. “Монголын хошин урлагийн жүжигчдийн анхдугаар их наадам” Соёлын төв өргөөнд 18.00 цагаас улаан хивсний ёслолоор эхэлж 19.00 цагаас арга хэмжээ буюу тоглолт эхэлж, дөрвөн цаг гаруй хугацаанд үргэлжлэх ажээ.