Өчигдөр Британийн Премьер лигийн 30-р тойргийн сүүлийг мушгисан тоглолт болсноос Манчестер Юнайтед болон Фулхэм клубуудын тоглолт олны анхаарлыг татаж байлаа. Хоёр багийн хожлоос илүүтэй Премьер лигийн тэргүүллийн төлөөх өрсөлдөөн энд өрнөж байлаа.
Учир нь 29-р тойргийн сүүлээр Манчестер Сити клуб Челсиг 2:1-ээр буулган авснаар Манчестер Юнайтедаас нэг онооны зөрүүтэй болж улмаар 30-р тойрогт Сток Сититэй эвийн гэрээ байгуулснаар Манчестерийн хоёр клуб хүснэгтийг 70, 70 оноотой тэргүүлэх болсон.
Өчигдөр Манчестер Юнайтед болон Фулхэмийн тоглолтын үр дүнгээс хамаарч ийнхүү байдал өөрчлөгдөх байлаа.
Тоглолтын эхний хагасын 41 дэх минутад өрсөлдөгчийнхөө хаалганд Уэйн Рүүни гоолдсоноор тооны харьцаа 1:0 болсон. Улмаар “Улаан чөтгөрүүд” тоглолт дуустал дахин гоолдсонгүй, өрсөлдөгчдөдөө ч боломж олгосонгүй цаг дууссан юм.
Ингэснээр Манчестер Юнайтед гурван оноогоо авснаар 73 оноотой болж лигийг дахин нэг тойрог тэргүүлэх боллоо.
Н.Өрнө