Барилгын хөгжлийн үндэсний нэгдсэн төвөөс "100 мянган айлын орон сууц" хөтөлбөрт хамрагдахыг хүсэгчдэд зориулан орон сууцны үзэсгэлэн зохион байгуулахаар болсон. Оросын соёл шинжлэх ухааны төвд өнөөдрөөс эхлэн гарах уг үзэсгэлэнд "100 мянган айлын орон сууц" хөтөлбөрт хамрагдсан болон цаашид хамрагдах орон сууцны барилгын компаниуд оролцох аж. Мөн үзэсгэлэнгийн хүрээнд энэ хөтөлбөрийн талаарх хууль эрхийн актууд, хэрэгжүүлэгч талуудын дүрэм, журам зэрэг холбоотой бүх мэдээллийг нэг цэгээс олгож, хэвлэж тараах юм байна. Гурван өдрийн турш үргэлжлэх энэ үзэсгэлэнд  банк, санхүү, даатгалын байгууллагууд, ОССК, нийслэлийн Засаг даргын Тамгын газар, Зам тээвэр, барилга хот байгуулалтын яам зэрэг "100 мянган айлын орон сууц" хөтөлбөрт оролцогч төрийн болон хувийн хэвшлийн байгууллагууд оролцох юм. Тиймээс хөтөлбөртэй холбоотой бүх мэдээллийг нэг дороос авах боломж бүрдэх ажээ.   Д.Цэцэг