УИХ-ын 2008 оны сонгуулийн дараахи үймээнээр дөрвөн хүн галт зэвсэгт өртөж амь үрэгдсэн хэрэгт тухайн үеийн цагдаагийн удирдлагууд болох хошууч, генерал Ч.Амарболд нарыг буруутган хуулийн байгууллагаас шалгаж яллах дүгнэлт үйлдэж хэргийг нь шүүх рүү шилжүүлсэн юм. Эл хэргийн мөрдөн байцаах ажиллагаа дуусч, шүүх хурал нь гурван ч удаа болох товлогдож хойшилсон юм. Ч.Амарболд генералын өмгөөлөгч О.Алтангэрэл өнөөдөр хэвлэлийн хурал хийж “Үйлчлүүлэгчээ өмгөөлөхгүй болсноо” албан ёсоор мэдэгдлээ. Тэрбээр өчигдөр “Цагдан хорих” төвд хоригдож буй үйлчлүүлэгч Ч.Амарболдтой уулзаж энэ талаар харилцан тохирсон байна. Харин шүүхээс шүүгдэгчийн өмгөөлөгч авах эрхээр хангах ёстой. Түүнээс гадна бусад шүүгдэгч нар болох Г.Ганбаатар, О.Зоригт,Ш.Батсүх нарын өмгөөлөгчид өмгөөлөх эрхээсээ татгалзаж байгаа аж.
Н.Бүжин