УИХ-ын Сонгуулийн тухай хуулийн зарим заалт Үндсэн хууль зөрчсөн гэсэн дүгнэлтийг хоёрдугаар сарын 28-нд цэцийн гишүүд гаргасан.
Мажоритар тойрогт ялагдсан нэр дэвшигч нь хувь тэнцүүлсэн тойрог руу “гулсаж” болно гэсэн заалтыг Үндсэн хуульд нийцэхгүй гэж дүгнэсэн юм. Энэ дүгнэлтийг УИХ хүлээж авах эсэх тал дээр АН, МАН эсрэг байр суурьтай байсан.
Өнөөдөр УИХ-ын чуулганаар дээрх дүгнэлтийг хүлээж авахгүй гэсэн тогтоолыг 74,5 хувийн саналаар баталлаа.
УИХ-ын 35 гишүүн "хүлээж авахгүй" гэсэн бол 12 гишүүн "хүлээж авна" гэсан санал өгсөн юм. Ингэснээр шинээр батлагдсан УИХ-ын сонгуулийн тухай хууль багцаараа хэрэгжих боллоо.