ОХУ-ын усан цэргийн адмирал Леонид Суханов ням гаригт БНХАУ-ын тэнгисийн цэрэгтэй хийх хамтарсан сургуулилт эхэлсэн болохыг албан ёсоор мэдэгдлээ.
Хоёр улсын хамтарсан уг сургуулилт 2005 оноос хойш анх удаа явагдаж байгаа бөгөөд дөрөвдүгээр сарын 22-27-ны хооронд үргэлжлэх аж.
Тус сургуулилт Хятадын зүүн эргийн Шар тэнгист явагдах ба нийт 16 усан онгоц, Хятадын тэнгисийн флотоос 2 шумбагч завь, Оросын тэнгисийн флотоос 4 байлдааны хөлөг онгоц, мөн 3 нөөц онгоц хамрагдаж байгаа гэнэ.
Энэ удаагийн хамтарсан сургуулилт нь тэнгисийн агаарын дайралтын хамгаалалтыг сайжруулах, тэнгисийн хайгуул, шумбагч онгоцны эсрэг тактик, барьцаалагдсан хөлөг онгоцыг чөлөөлөх зэрэг хөтөлбөрийн дагуу явагдах юм.
Т.Од