Өнгөрсөн 18-ны өдөр Солонгосын Кёнгиду, Сувон-шигийн цагдаагийн газарт  4  эрэгтэй , 1 эмэгтэй хамтран амиа хорлохоор явж байгаа тухай мэдээлэл иржээ. Мэдээлэл өгсөн эмэгтэй Ким амиа хорлохыг завдаж байгаа залуустай интэрнэтээр танилцан хамтдаа амиа хорлохоор шийдсэн байна. Тэд Сувон хотод уулзаж автомашин түрээслэн Кёнгиду, Гапёнг дахь  амралтын газар руу явахаар тохирчээ. Түрүүлж ирсэн  5 залуу хараахан ирж амжаагүй байсан Кимийг машинд багтахгүй болохоор нь орхиж явахаар шийдэн, түүнд “Машинд зай байхгүй тул чамайг орхилоо” хэмээн мессэж бичсэн аж. Тиймээс Ким “Бүгдээрээ нийлж намайг орхин явж байгаа нь намайг тохуурхаж байгаа мэт санагдаад уур хүрч би шууд цагдаад мэдэгдсэн” хэмээн мэдүүлжээ. Цагдаагийнхан Кимийн мэдээллийн мөрөөр амиа хорлохыг завдаж байсан 5 залууг түрээсэлсэн машины дугаараар нь олж эцэг эхэд нь хүлээлгэн өгчээ. Харин амиа хорлох үйл ажиллагааг зохион байгуулсан 40 настай эрэгтэй нь замдаа машинаасаа бууж үлдсэнээс хойш олдоогүй байна.