42 жил ноёрхсон Муамар Каддафигийн дэглэмийг түлхэн унагах тулаан эхэлснээс хойш тус улсын иргэд амар тайван байсангүй. Буудалцаан, дэлбэрэлтэд өртчих гээд байдаг хүнд үе ард үлдлээ гэж тэд одоо бодож байгаа. Муамар Каддафи  Сирт хотыг эзлэх үеэр босогчдын гарт амь үрэгдсэн нь ард түмнийг тайван амгалан амьдрал хүлээж байна гэсэн ойлголтод хүргэсэн. Жамахирийн эсрэг босогчдын тэмцлийн билиг тэмдэг болсон Мисурата хотод М.Каддафигийн цогцсыг хүргэжээ. Өнөөдөр Муамар Каддафиг лалын шашны ёс жаягийн дагуу нууц газар оршуулах юм байна. Анх бослого эхлэхэд эх орныхоо төлөө эцсээ хүртэл тэмцэнэ, улс орноо орхиж явахгүй гэж мэдэгдэж байсан М.Каддафи хэлсэндээ хүрсэн. Түүнийг үхсэний дараа дэлхийн томоохон удирдагчид "Ливид шинэ хуудас нээгдэж байна. Ардчилал тогтоно" гэж мэдэгдэж байна. мөн зарим мэдээллийн агентлагууд Каддафиг шүүх олон улсын сунжирсан шүүх ажиллагаа явах хэрэггүй боллоо гэж мэдээлжээ. Тэгвэл зарим эх сурвалж Каддафигаас хойш тус улсыг нэгтгэн удирдах хүн гарах юу л бол. АНУ,  холбоотны хараа хяналтаас гадна байлгаж чадах эсэх эргэлзээтэй гэж мөн мэдээлж байна. Хуучин дэглэмийн үеийн дайчид зэвсэгт мөргөлдөөн гаргахгүй байна гэж байхгүй. Харин ч босогчдын эсрэг босогчид гарч ирнэ. Ливийн хуваагдал дуусаагүй гэх нь байна.