Спорт сонирхогчид тэр дундаа сагсанбөмбөгийн хорхойтнуудын хүсэн хүлээж буй NBA-гийн шинэ улирал хойшлогдсоор л байна. NBA-гийн удирдлагууд болон тоглогчдын хооронд үүсээд буй асуудлыг шийдэхээр өнгөрсөн өдрүүдэд дахин хуралдлаа. Гэвч хуралдаанаар байдал өөрчлөгдсөнгүй. Дэвид Стерний бие муудаж хуралдаанд оролцож чадаагүй нь байдлыг улам мухардалд оруулсан гэж болно. Тамирчдын түр хорооны тэргүүн Дерек Фишер NBA-гийн удирдлага зөвшилцөлд хүрэхийг хичээхгүй байна хэмээн шүүмжилжээ.