Гэр хорооллыг орон сууцжуулах төсөлд Сүхбаатар дүүргийн 9,10,11,12 дугаар хороодын 2100 гаруй айл өрх хамрагдаж байгаа юм. Өнөөдрийн байдлаар 135 хашааны 240 гаруй өрх айл газраа бүрэн чөлөөлжээ. Улаанбаатар хотын утаа, агаарын бохирдлыг багасгах, гэр хорооллыг барилгажуулах энэ ажлын хүрээнд эхний ээлжинд газраа чөлөөлж өгсөн айл өрхийг түр суурьшуулах 300 айлын орон сууцны барилгыг Сүхбаатар дүүргийн ll-р хорооны нутаг дэвсгэр Цагдаагийн гудамж, Нийслэлийн өмчийн харилцааны газрын аж ахуйн хашаанд барьж байгаа юм байна.