Ирэх  сарын 5-нд БНХАУ-ын Бээжин хотын Шижичан цэнгэлдэх хүрээлэнд Монгол улсын тамирчин Ц.Батболд 56 кг-д “KING OF MUAY” тэмцээнд Солонгос, Хятадын тамирчидтай мэргэжлийн мутай боксын дүрмээр халз тулалдах гэж байна. Багийн дасгалжуулагчаар Ө.Саруул-эрдэнэ  оролцоно. 2011 оны 11-р сарын 5- нд  Хонконгийн Ванчай цэнгэлдэх хүрээлэнд 52кг-д Б.Мягмарсүрэн мэргэжлийн боксын рингэнд анхныхаа тулааныг хийнэ. Түүний өрсөлдөгч нь Хонконгийн тамирчин байх юм. 63 кг-д О.Лхасүрэн мэргэжлийн мутайн дүрмээр Хонконгийн тамирчинтай 64кг-д Ө.Төрбаяр мэргэжлийн мутайн дүрмээр Тайландын тамирчинтай 65кг-д Ч.Шижир-эрдэнэ мэргэжлийн мутайн дүрмээр Тайландын тамирчинтай тус тус чансаа ахиулан өрсөлдөх юм. Багийн дасгалжуулагчаар О.Алтанпүрэв оролцоно. Хэрэв тамирчид маань ялалт байгуулвал мэргэжлийн мутай боксын дэлхийн аваргын төлөө өрсөлдөх боломж нэг алхам ойртох юм.