Нийслэлийн өдрийг угтсан ажлын хүрээнд шинээр гурван чиглэлд том оврын автобус явж эхэлжээ. Баянзүрх дүүрэг дэх Баян­монгол, Дүнжингарав хороолол, Хан-Уул дүүргийн Нархан хотхон, Рапид харш зэрэг томоохон хорооллын иргэд оршин суугчдаас ирүүлсэн санал хүсэлтийн дагуу нийтийн тээврийн автобус явж эхэлсэн байна. "Нарангийн гол-21 дүгээр хороо­лол-Саппоро-ТЭЦ-3-Төв цэнгэлдэх хүрээ­лэн" гэсэн чиглэлийн авто­бусаар Жаргалан хотхон, Рапид харш, Баянмонгол, Дүнжингарав зэрэг орон сууцны хорооллын иргэд  зорчих бол "Улиастай- Зүүн дөрвөн зам- Нар­ны зам-Дамдинсүрэнгийн гудамж-ТЭЦ-3" чиглэлийн автобусаар Улиастай, Офицеруудын ордноос Төв цэнгэлдэх хүрээлэн, Баян­монгол хороолол, Жаргалан хот­хоноор дайран 120 мянгат, ТЭЦ-3 хүртэл зорчих юм. Мөн "Өнөр хороолол-Бөмбөгөр-Баянбүрд-Халдвартын эмнэлэг" гэсэн чиглэлийн автобус явж эхэл­сэн бөгөөд энэ нь Өнөр хорооллоос Бөмбөгөрөөр дайрч Баянбүрд, Зуун айл, Сансар, Халдвартын эмнэлэг хүртэл зорчигчдод үйлчилж байна.