Суданы ерөнхийлөгч Омар аль Башир улсынхаа төв телевизээр үг хэлж байхдаа Ливийн удирдагч асан Муаммар Каддафиг унагах тэмцэлд нь ливийн босгчдод зэр зэвсгээр туслаж байснаа хэлсэн байна. Түүний хэлснээр гурван жилийн өмнө Судан улсад иргэний дайн дэгдэх үеэр төрийн эсрэг үймээн дэгдээгчдийг Муаммар Каддафи хөрөнгө мөнгө, зэр зэвсгээр хангаж байсан гэнэ. Тиймээс Ливийн удирдагчийн эсрэг бослого гарахад тэрбээр босогчдын талыг дэмжсэн гэнэ. Ливи Судан улсууд нь зэргэлдээх хөрш орнууд боловч олон жилийн турш дайсагналцсан харилцаатай, Муаммар Каддафи үе үе Суданд халдан довтолж сүр хүчийг үзүүлдэг байсан аж. Суданы ерөнхийлөгч үгээ үргэлжлүүлэхдээ одоо Судан Ливи хоёр улс харилцан найрамдалт харилцаатай зэрэгцэн оршино гэдэгт итгэлтэй байгаагаа илэрхийлжээ. О.Нар