Өчигдөр явагдаж дууссан Сөүл хотын даргын суудлын төлөөх сонгуульд бие даан нэр дэвшигч Пак Вон Сүн 2 сая 158 мянган хүний санал авч буюу 53.40% хувийн саналаар ялалт байгуулсан билээ. Сөүл хотын дарга өнөөдөр өглөө 2 туслахынхаа хамт таксинд суун хөдөө аж ахуйн бүтээгдэхүүний Нурянгжин зах дээр ирж, тэнд байгаа худалдаачидтай уулзаж санал бодлыг нь сонссоныхоо дараа метронд сууж ажилдаа ирсэн байна. Тэрээр захиргааны байранд оронгуутаа  дарга нарын өрөө руу бус, тус байранд ажилладаг цэвэрлэгч, хаалгач  болон жижүүр нар дээр очин  эхэлж гар барин  мэндэлсэн зэрэг өмнө хожид болж байгаагүй үзэгдэл болжээ.