Коран судрыг шатааснаасаа хойш олны танил болсон Терри Жонс АНУ-ын Ерөнхийлөгчийн сонгуульд өрсөлдөх болсноо зарлалаа. Тэрээр Бүгд Найрамдах намаас нэр дэвших гэж буй улстөрчдийг шударга хүмүүс биш гэж томьёолсон байна. Терри Жонс сонгуулийн хөтөлбөртөө эх оронд нь “харласан” олон цагаачийг нутаг буцааж, харьд энх тайвны үйлсэд хүчин зүтгэж буй цэргүүдээ эргүүлэн татаж, төрийн зардлыг багасгахад гол анхаарлаа хандуулахаа дурьджээ. Тэрээр өнгөрсөн гуравдугаар сард Коран судрыг шатааснаар мусульманчуудын дургүйцлийг маш ихээр төрүүлсэн юм. Терри Жонс дөрөвдүгээр сард дахин Коран судрыг шатаахаар төлөвлөсөн ч шүүхийн зүгээс түүнийг ийм үйлдэл хийхийг хатуу хориглосны зэрэгцээ мусульманы сүмд 300 метрээс илүү ойртохгүй байхыг шаардсан юм.

Р.Гэгээ