Мэргэжлийн хяналтын  ерөнхий газар иргэдийн санал гомдлыг авч шуурхай барагдуулах 1286 дугаарын утсыг ажиллуулж эхэлсэн билээ. Иргэдийн гомдлыг хэрхэн барагдуулсан талаархи мэдээллийг нээлттэй болгох зорилгоор манай сайттай хамтран ажиллаж байна. -Иргэн Заяабаяр /Англи хэлний багш/: ЧД-н 18-р хороо 37-р сургуулийн цайны газрын хоолгы амт чанар маш муу байна. Идэхээр гүйлгээд байдаг. Эндээс хүүхдүүдэд үдийн цай өгдөг. Бүх багш сурагчил шүүмжилдэг ч байж л  хэвээрээ л байдаг. Захын гэр хорооллынхон гэхээр чанар муутай хоол хүнс хэрэглэж болохгүй биз дээ. Хүүхдүүд хордвол яах вэ? Ирж шалгаж арга хэмжээ авч өгч өгнө үү Шийдвэрлэлт: 2011 оны 10-р сарын 06-ны өдрийн 13:00 цагт 37-р сургуулийн ажилчдын цайны газарт шалгалт хийлээ. Шалгалтаар зөрчил дутагдал гаргасан аж ахуй нэгжид 150 000 төгрөгний шийтгэврийн арга хэмжээ авч, зөрчил хасагдах хүртэл хугацаагаар үйл ажиллагаа улсын байцаагчийн 2011. 10.07-ны өдрийн 11-29-42/136 түр хугацаагаар зогсоов. Улсын байцаагчийн 2011.10.07-ны өдрийн 11-29/147 тоот хугацаатай албан шаардлага хүргүүлээд байна. -Иргэн Болормаа:  Дэнжийн 1000 –н Хүчит шонхор худалдааны төвийн2 давхарт байдаг цайны газарт хоол идсэн чинь хоолон дотроос нь яс гарч хоолойд тээглээд гэмтлийн эмнэлэг явж байна. Эрүүл мэндээрээ хохирч байна. Гомдолтой байна. Арга хэмжээ авна уу Шийдвэрлэлт: Гаргасан гомдлын дагуу тус хоолны газрын үйл ажиллагаанд холбогдох улсын байцаагчид хамтарсан шалгалт хийлээ. Шалгалтаар хоол үйлдвэрлэл технологийн картгүйгээр хоол үйлдвэрлэл явуулсан ажил үйлчилгээний дүгнэлтээ өөрийн нэр дээр аваагүй зэрэг зөрчилтэй ажиллаж байсан учир 5 заалт бүхий улсын байцаагчийн албан шаардлага өгч, “ хүнсний тухай” хуулийн 9,1,2 дахь заалтын дагуу зохион байгуулагч Ч. Сарангэрэлд 40 000 төгрөгний шийтгэврийн арга хэмжээ авч ажилалаа. -Иргэн Тангадын Галсан:  БГД-ийн 14-р хорооны 14-р байрны 60 тоотод оршин суугч иргэн Тангадын Галсанг Дүүргийн хүндэт иргэнээр тодруулж байрныхаа баруун талд гражны газар эзэмших зөвшөөрөл олгосон байсан гэтэл гражаа барьж амжаагүй хөдөө яваад иртэл тухайн зөвшөөрөлтэй газар дээр нь 3 давхар байр баригдаж байна. Тухайн барилгын эзэнтэй нь уулзахад Захирагчийн ажлын албаны Бат даргын зөвшөөрөлтэй гэж байгаа хэдий ч уулзсан тэр нь худлаа байна. Иймд энэ асуудлыг шалгаж иргэн намайг хохиролгүй болгож өгнө үү. Шийдвэрлэлт: Гомдол гаргагч н.Найгаль /Т.Галсангийн эхнэр/ зөрчил гаргагч Б.Авид нар тохиролцон хажуу талын уг контейнерийг зайлуулж талбай чөлөөлөхөөр болов. Москва центрийн удирдлагад тухайн контейнерийг нүүлгэх талаар мэдэгдэхэд барилгын ажил дуусмагц газар чөлөөлж өгнө гэсэн хариу өгөв. -Иргэн Уянга: ЧД-н 5-х хороо Тэнгис кино театрын баруун талд Цог гэдэг зочид буудал маш бохир заваан байна. Үйлчлүүлэгчиддээ хэрэглэсэн цагаан хэрэглэл өгч байна.  Коридорт шалан дээр цагаан хэрэглэл нь  хүний хөлөөр хөглөрсөн байх юм. Хог шороонд дарагдсан их бохир газар байна. Мөн насанд хүрээгүй хүүхдүүд үйлчлүүлж харагдлаа. Ирж шалгаж арга хэмжээ авна уу. Шийдвэрлэлт: Иргэн Уянгын ирүүлсэн гомдлын дагуу 2011 оны 10 дүгээр сарын 06-ны өдөр тус хэлтсийн ХҮҮСХ-ын улсын байцаагч Н.Уранчимэг, НМХГ-ийн ЭАХСХ-ын улсын байцаагч Т.Отгон, НАЖГ-ын мэргэжилтан Г.Гансувд, НЦГ-ын ОНХХ-ийн ахлах байцаагч, хошууч Б.Энхболд, дүүргийн ҮҮХ-ийн мэргэжилтэн Ө.Сарантуяа, ОБХ-ийн байцаагч Батболд нар Чингэлтэй дүүргийн 5 дугаар хорооны нутаг дэвсгэрт үйл ажиллагаа явуулж буй “Цог” ХХК-ийн дэн буудлын үйл ажиллагаанд Захирал Д.Эрдэнэбатыг байлцуулан шалгалаа. Шалгалтаар тус дэн буудал нь хагархай цонх, тавилга хэрэгсэл эвдэрч хэмхэрсэн, гэрэлгүй харанхуй ариун цэврийн өрөө, хагарсан почки болон таггүй суултуур бүхий өрөөгөөр зочдод үйлчилдэг, угаалгын өрөө нь зай муутай, бохирдсон зөөлөн хэрэглэлийг газраар хөглөрүүлсэн, угаасан цагаан хэрэглэлийг хонгилд модонд өлгөж хатаадаг, стандартын шаардлага хангахгүй цагаан хэрэглэлээр үйлчилдэг зэрэг зөрчил илэрсэн тул тус дэн буудлын үйл ажиллагааг 2011.10.06-ны өдрөөс 06-132-342 тоот актаар зөрчил арилтал түр хугацаагаар зогсоож, 11-29-170/145 тоот улсын байцаагчийн 6 заалт бүхий албн шаардлагаар хугацаатай үүрэг өгөөд байна.