ОХУ-ын Алс Дорнодын “Иркиндан” ордоос түүхэнд хамгийн томд тооцогдох 7 кг 655 грамм цул олдсон билээ. Тэгвэл уг цул алтыг ОХУ-ын Алмаз эрдэнийн музейд тавихаар болжээ. Уг музейд дэлхийн хэмжээнд хамгийн том алт, цагаан алтны цуглуулгатай юм. Энд дэлхийн хамгийн том цул алт болох “Их гурвалжин” нэртэй 36 кг жинтэй алт хадгалагддаг аж. Харин “Мефистофель” хэмээн нэрлэсэн цул алт дөнгөж 20 грамм жинтэй боловч үзэгч олны гайхал төрүүлдэг. Хар хилэн  дээр тавьж үзүүлж буй цул алт Мефистофелийн хажуу талтай төстэй учраас хүний гараар бүтээсэн юм шиг л харагддаг гэнэ.