Хойд Америкийн үндэсний сагсан бөмбөгийн холбооны комиссар Дэвид Стерн албан ёсны мэдэгдэл гаргалаа. Үүнд NBA-гийн арваннэгдүгээр сарын 30 хүртэлх бүх тоглолтыг цуцлах болсноо зарлажээ. Лигийн эхний хоёр долоо хоногийн тоглолтыг хойшлуулаад байсан ба энэ хугацаанд хоёр ч удаа тоглогчдын төлөөлөл багийн эзэд хуралдаж асуудал нааштай шийдэгдсэнгүй. Ингээд Дэвид Стерн мэдэгдэл гаргаж арваннэгдүгээр сарын 30 хүртэлх бүх тоглолтыг цуцласнаар NBA-гийн энэ улирлын тоглолт ерөнхийдөө тун бүрхэг болж байна.