Өчигдөр АНУ-ын зүүн эрэг дагуу нутгуудаар хүчтэй цасан шуурга болсны улмаас зургаан хүн амиа алдаж олон сая долларын эд материалын хохирол учраад байна. Зам харгуй цасанд дарагдсаны улмаас тээврийн хөдөлгөөн зогсож агаарын бүх нислэгүүдийг цуцласан байна. Мөн гурван сая гаруй айл өрх цахилгаангүй болоод байгаа аж. Мэрилин, Массачуссетс, Нью Жерси, Коннектикут, Нью-Йоркт байдал хүнд байгаа бөгөөд цасан шуурганы улмаас их хэмжээний зам тээврийн осол гарч хүмүүс амиа алдаж байна хэмээн BBC агентлаг уламжилжээ.