Өчигдөр Премьер лигийн аравдугаар тойргийн ес дэх тоглолт боллоо. Тоттенхэм Куинс Парк Рэйнжерстэй Уайт Харт Лэйн цэнгэлдэхдээ тоглож 3:1-ээр хожлоо. Гарет Бэйл өчигдрийн тоглолтод дубль хийж, Ван дер Ваарт түүнд нэг гоолоор нэмэр болсноор Тоттенхэм талбай дээрээ хожлоо авч 19 оноотой лигийн хүснэгтэд тавдугаар байрт жагсаж байна. Рэйнжерсээс Бүтройд нэр төрийн ганц гоол оруулжээ.