Монгол улсын иргэн бүр хоногт 1 литр ус хэмнэвэл хоногт 2.5 сая литр, сардаа 75 сая литр, жилдээ 900.000 тонн буюу Улаанбаатар хотын 6 хоногийн усны хэрэгцээг хангах хэмжээний усыг хэмнэх аж. Усны тоолуур яагаад хэрэгтэй вэ? Төвлөрсөн усан хангамжийн системд холбогдсон усны тоолуургүй өрхийн нэг хүний хоногийн усны хэрэглээг 230 литрээр тооцдог. Энэ тоог гаргахдаа нийт байрны усны хэрэглээг оршин суугчдын тоонд харьцуулж гаргадаг. Харин гэртээ тоолуур тавиулсан өрхийн хувьд нэг хүний хоногийн дундаж хэрэглээ 80-82 литр байна. Өнөөдрийн байдлаар тоолуургүй өрхийн нэг хүн сард  цэвэр усанд 3201.6 төг, бохир усанд 1465.91 төг төлдөг. 4 ам бүлтэй усны тоолуургүй өрхийн хувьд: Цэвэр ус 4 хүн х3201.6=12806.4 төг Бохир ус 4 хүн х1465.91=5863.6 төг Нийт 18670 төг буюу жилд 224040.48 төг төлж байна. 4 ам бүлтэй усны тоолууртай өрхийн хувьд: Цэвэр ус 4 хүн х 319.70=1278.8 төг Бохир ус 4 хүн х183.48=733.92 төг Нийт 2012.72 төг буюу жилд 24152.64 төг төлж байна. Тоолуур суурилуулж, ашигласнаар жилд 199887.84 төгрөг хэмнэж, усны зардалдаа 88%-ийн хэмнэлт гаргадаг байна.