Хятадын  Хунан мужийн өмнөд хэсгийн Хэняанг нүүрсний уурхайд  дэлбэрэлт болж 29 ажилчин амиа алджээ. Аврах албаныхан ослын газар ажиллаж, амьд үлдэгсдийг гаргаж авах ажлыг явуулж байгаа юм. Зарим эх сурвалжийн мэдээлж байгаагаар энэ уурхай нь хууль бусаар үйл ажиллагаагаа явуулж байсан байна. Энэ оны эхээр мэргэжлийн байгууллагын үзлэг, шалгалтын дараагаар тэдний үйл ажиллагааг зогсоожээ. Гэсэн ч нууцаар ажиллаж байсан нүүрсний уурхайд дэлбэрэлт болж олон хүн нурангинд дарагдсан байна.