Статистикийн үндэсний хорооноос хүнсний гол нэрийн барааны үнэд судалгаа хийжээ. Судалгаагаар гол нэрийн барааны үнийг дүнгээр нь өмнөх сарын дундаж үнэтэй харьцуулахад 1.1 хувь, өмнөх долоо хоногийн дундаж үнэтэй харьцуулахад 0.5 хувиар өссөн байна. Тухайлбал, энэ сарын 28-ны байдлаар өмнөх сарын дундаж үнэтэй харьцуулахад хонины ястай мах 2.5 хувь, үхрийн цул 0.4, ямааны мах 6.2 хувиар тус тус буурсан бол, үхрийн ястай мах 0.3, адууны махны үнэ 6.2 хувиар өссөн байна. Нэг кг хонины /ястай/ махны үнэ дунджаар 6075, хонины цул 6380, үхрийн /ястай/ мах 7044, үхрийн цул 8156 төгрөг, ямааных 4700 төгрөг, адууны мах 5543 төгрөгийн үнэтэй байна.Харин гурилын үнийг өмнөх сарын дундаж үнэтэй харьцуулахад савласан дээд гурилын үнэ 0.8 хувиар өссөн бол, задгай I зэргийн гурилын үнэ тогтвортой байгаа үзүүлэлт гарчээ. Түүнчлэн элсэн чихрийн үнийг өмнөх сарын үнэтэй харьцуулахад 0.6 хувиар, цагаан будаа 0.1 хувиар буурсан бол өмнөх долоо хоногийнхтой харьцуулахад тогтвортой байна. Д.Цэцэг