Туул голын орчимд хаа сайгүй хөглөрөх болсон хадаг, хийморийн дарцаг болон тугийг цэвэрлэх “Хадаг” төслийг “GTE” нийгэмлэгээс энэ амралтын өдрүүдэд хэрэгжүүлэхээр болжээ. Уг ажлыг Баянзүрх дүүргийн Засаг даргын тамгын газар /ЗДТГ/, Хан-Уул дүүргийн ЗДТГ, бөө нартай хамтран гүйцэтгэхээр болсон ба Яармагийн гүүрнээс Баянзүрх дүүргийн гүүр хүртэл 12 км газрыг цэвэрлэх юм байна. Хадгийг Монголчууд эдийн дээд хэмээн хүндэтгэдэг ч сүүлийн жилүүдэд бөө мөргөлийн шашин ихэд дэлгэрсэнтэй холбоотойгоор Туулын бургасаар олон зүйлийн хадаг уях болсон. Энэ нь тэр хүндэтгэлийн зан үйлийг алдагдуулж, байгаль орчныг бохирдуулж байна хэмээн “GTE” нийгэмлэгийнхэн үзжээ.