Боловсрол шинжлэх ухааны салбар, эрүүл мэндийн салбарын үйлдвэрчний эвлэлийн холбоо, ажилтан албан хаагчдын үйлдвэрчний эвлэлийн холбооныхон он гаруут цалин нэмэх шийдвэрээ хэвээр үлдээсэн хариугаа нөгөөдөр гэхэд ирүүлэхгүй бол жагсаал хийнэ хэмээн мэдэгдлээ. Ингэж бухимдаж байгаа шалтгаан нь цалинг  нь хөдөлмөр нийгмийн зөвшлийн 3 талт үндэсний хорооны хурлаар ирэх оны эхний улиралд багтааж нэмнэ гэсэн шийдвэрээсээ Засгийн газар ухарсан явдал юм. Үйлдвэрчний эвлэлүүд цалин хөлсийг ирэх нэгдүгээр сарын нэгнээс 80 мянган төгрөгөөр, сар шинийн баярын өмнө 23 хувиар нэмэгдүүлэх шаардлагыг Засгийн газар хүлээн авч, хариугаа 9-ний дотор ирүүлэхгүй бол 11 сарын 10 өдөр улс орон даяар жагсаал цуглаан хийнэ хэмэн мэдэгдэж байна.