Тээврийн хэрэгсэлд давхардуулан олгосон улсын дугаарыг цэгцлэхийг ЗТБХБ-ын сайд даалгасны дагуу ЗТБХБЯ, Авто тээврийн болон Замын цагдаагийн газар, Шуурхай удирдлагын төв, нийслэлийн ЗДТГ-ын мэргэжилтнүүдээс бүрдсэн Ажлын хэсэг байгуулжээ. Уг зөрчлийг арилгахын тулд ажлын хэсгийнхэн давхардсан дугаарыг замын цагдаа нарт зарлаж тэд жолооч нарт дугаараа солиулахыг сануулж байгаа аж. Мөн мэдээллийн санд байгаа хаяг, утасны дугаараар нь жолооч нарыг дуудан ирүүлж асуудлыг шийдэж байгаа. Өнгөрсөн долоо хоногт л гэхэд тээврийн 156 хэрэгслийн давхардсан дугаарыг сольсон байна.