МИАТ-ийн хэрэг хүрээгээ тэлж, лавшруулан шалгах тусам хэрэг улам төвөгтэй болж байгааг цагдаагийнхан хэлсээр байгаа. Учир нь энэ хэрэгт эрх баригч хоёр намын удирдлагууд холбогдож байгаа талаарх мэдээлэл байгаа бөгөөд сайн нягтлаж, шалгах асуудал байгааг албаныхан хэлсээр байгаа. Одоогоор МИАТ-д мөнгө угаасан хэрэгт есөн хүн саатуулагдаад байгаагаас Ц.Орхон “Миний эхнэр энэ хэрэгт ямар ч холбогдолгүй хэмээн мэдүүлэг өгч, түүнийг суллавал мөнгө угаасан хэрэгт холбогдсон улс төрчдийг нэрлэнэ хэмээн мэдүүлсэн гэх албан бус мэдээлэл байгаа. Гэхдээ түүнийг эхнэр Дайны эрсдэлийн даатгалыг мөнгийг Хонгконг руу хийсэн арав гаруй шилжүүлгийг өөрийн биеэр авсан нь гарын үсгээр нь нотлогдож, байгаа тул түүнийг суллах боломжгүй хэмээн мэдэгдсэн. Түүнээс гадна Япон руу шилжүүлсэн мөнгийг нь цэвэршүүлсэн гэх Н.Галт хэмээх хүнийг эрэн сурвалжилж байгаа ч үр дүн муутай байгаа бөгөөд МИАТ компанийн Япон дахь төлөөлөгчөөр ажиллаж байсан түүнийг тус улсын Цагаачлалын албанаас иргэншил хүссэн талаар бид мэдээлсэн билээ. Мөн түүнчлэн “Дайны эрсдэлийн даатгал”-ыг шилжүүлсэн гэх зарим гадаадын банкуудыг шалгахаар болсон байна. 2006 оноос эхэлсэн энэ хэргийг хоёр улсын гурван банкаар дамжуулан угаасан байдгаас Хонгконгийн “Standard Chartered”, “HSBC”, Японы улсын “Токио” зэрэг банкуудыг шалгах магадлал өндөр байгаа аж. Энэ талаар албаныхан “МИАТ-д Мөнгө угаасан хэрэгт банкуудын шалгах гэж байгаа нь үнэн. Учир нь энэ бол эдийн засгийн гэмт хэрэг учраас шилжүүлсэн, гүйлгээ хийсэн гэх зэргийг шалгана. Гэхдээ чухам ямар ямар банкуудыг шалгахыг талаар мэдээлэл өгөх боломжгүй” гэлээ. МИАТ-д мөнгө угаасан хэрэгт ийнхүү гадаадын банкуудын шалгахаас гадна дотоодын хэд хэдэн банкыг шалгах гэнэ. Тэд бас л тэдгээр банкуудын нэрийг хэлэх боломжгүй гэсэн бөгөөд хэргийг лавшруулан шалгасаар байгааг дуулгасан юм. Эх сурвалж: http://top.mn