Нийслэлийн Сонгинохайрхан дүүргийн 10 дугаар хороо Зүүнбаян уулын 20 дугаар гудамжинд шатахуунтай машин онхолдож шатахуун асгарчээ. Уг мэдээллийн дагуу Аврах гал унтраах 29 дүгээр ангийг хамгаалалтанд авч саармагжуулах ажлыг хийж байна. Мөн Баянзүрх дүүргийн 13 дугаар хорооны оршин суух  Д-гийн жолоодож явсан 3 тоннын даацтай цистернтээ  1тонн дизель түлш тээвэрлэж яваад онхолдсон байна. Гал унтраах ангийнхан  ослын газарт хүрч “Hyundai Kia” загварын УБП 70-49 улсын дугаартай машиныг кранаар босгож,  400 орчим литр дизель түлш асгарсан байсныг саванд юүлсэн байна.