Ираны нийслэл Тегеран хотоос баруун тийш орших Бидганех суурингийн ойролцоо хүчтэй дэлбэрэлт болсны улмаас 15 хүн амиа алджээ. Албаны эх сурвалжаар бол Тегераны Хувьсгалт гвардийн цэргийн баазад цэргүүдийн буруугаас болж зэвсгийн агуулахад санамсаргүй дэлбэрэлт болсон аж. Дэлбэрэлт болох үеэр ойр орчмын оршин суугчид гадны улсуудын дайралт эхэллээ хэмээн ихэд айж сандарсан гэнэ. Мөн дэлбэрэлтийн уршгаар арваад хүн хүнд хөнгөн шархдаж эмнэлэгт хүргэгджээ.