Сөүл хотын төв талбайд   сайн дурын байгууллагын төлөөлөгчид , үйлдвэрчний эрх ашгийг хамгаалах холбооныхонтой хамтран эсэргүүцлийн жгсаал зохион байгуулсан байна. Нийт  40 мянган хүн   Солонгос Америкийн худалдааны холбоо,   Хан-Ми  FTA-г  татан буулгахыг шаарджээ. 2005 онд Америкаас үхэр, гахай  болон бусад төрлийн хөлдөөсөн мах импортолж Солонгосын зах зээлд  хямдаар   худалдахыг эсэргүүцсэн жагсаалд өмнө нь ч болж байсан юм. Харин  энэ удаа  Хан-Ми  FTA    холбооны бүх шийдвэр Солонгосын жижиг дунд үйлдвэр эрхлэгчдийн зах зээлийг булааж, энэ холбоогоор хийгдсэн  гэрээнүүд  америкчууд болон Солонгосын хэдхэн том компаний эрх ашгийн төлөө байгуулагдаж байгааг эсэргүүцэж байгаа юм. Хоёр  улсын хооронд болж буй худалдааны бүх төрлийн гэрээ хэлэлцээр, оногдох татвар , тоо хэмжээ зөвхөн энэ холбоогоор дамжин тогтоогддог. Тухайлбал, АНУ-д үйлдвэрлэсэн болон экспортлогдож буй Солонгос автомашинд оногдуулдаг  татвар, АНУ-аас импортлон оруулдаг  эмийн татвар, уран сайхны кинонуудыг кинотеатруудад Солонгос кинонуудаас илүү их хэмжээтэйгээр гаргах, үхрийн болон гахайн мах , бусад далайн бүтээгдэхүүнийг худалдан авах гээд олон асуудлыг Хан-Ми  FTA холбоо зохицуулж өөрсдийн бараандаа бага татвар оногдуулахыг шаарддагаас Солонгосын бараа бүтээгдэхүүнд өндөр татвар ноогдуулдаг байдал нь хууль нийцэхгүй хэмээн жагсагчид үзэж байна.