Жолооч тээвэрчдийн дунд зам тээврийн осол, зөрчлийг бууруулахын тулд “Осолгүйн манлай жолооч”-ийг 1967 оноос эхлэн шалгаруулж эхэлжээ. Тодруулбал, БНМАУ-ын Тээврийн хорооны гишүүд, Тээвэр холбоо, худалдааны ажилчдын үйлдвэрчний эвлэлийн төв зөвлөлийн 1967 оны хоёрдугаар сарын 15-ны өдрийн хамтарсан хурлаар уг асуудлыг шийджээ. Хурлаар  “Осолгүйн манлай жолооч”-ийн тэмдэг, болзлыг батлан, уралдааныг нийт жолооч нарын дунд зарлан явуулсан байжээ.