Өнгөрсөн оны дөрөвдүгээр сард Засгийн газрын хуралдаанаар Төв аймгийн Хөшигийн хөндийд нисэх онгоцны шинэ буудал барихаар болсон. Тэгвэл уг нисэх буудлын барилгын ажил маргааш албан ёсоор эхлэх ажээ.

Энэхүү барилгын ажлыг Японы Мицубиши-Чиёда компанийн хамтарсан түншлэл гүйцэтгэхээр болсон байна. Барилгын нээлт маргааш Хөшигийн хөндийд болох бөгөөд ирэх  2015 он гэхэд ашиглалтад оруулахаар төлөвлөөд байгаа юм.

Уг нисэх буудал баригдснаар зургаан онгоц зэрэг хүлээн авч, жилд 1 сая 650 мянга гаруй хүнд үйлчлэх боломж бүрдэх бөгөөд шинэ нисэх буудлыг түшиглэн 100 мянган хүн амтай хот шинээр байгуулах юм байна.