УИХ-ын гишүүн Н.Номтойбаяр нь өнгөрсөн оны 7-р сараас сэтгүүлч Б.Отгонбаярыг нэр төр гутаасан, гүтгэсэн гэх үндэслэлээр эрүүгийн хэрэг татан, мөрдөн шалгуулж  эхэлсэн байна. Энэ асуудлаар “Авилгатай тэмцэх сэтгүүлчдийн клуб”-ын тэргүүн, сэтгүүлч Б.Отгонбаяр өнөөдөр сэтгүүлчдэд мэдээлэл хийлээ.

Өнгөрсөн оны долдугаар сараас УИХ-ын гишүүн Н.Номтойбаяр сэтгүүлч Б.Отгонбаярыг нэр төр гутаасан, гүтгэсэн гэх үндэслэлээр эрүүгийн эрэг үүсгүүлэн мөрдөн шалгуулж эхэлжээ.

Энэ нь 2012 оны зургадугаар сарын 25-наас 30-ны өдрүүдэд интернэт сайт, зарим телевизээр цацсан Н.Номтойбаярын бие хамгаалагч асан Б.Батзоригийн мэдээлэлтэй холбоотой аж. Тэрбээр Н.Номтойбаяртай долоон жил хамт ажиллахдаа түүний хууль бус, илэрхий гэмт хэргийн шинжтэй олон үйлдлийг сайтар мэддэг байжээ.

Сүүлдээ тэр Н.Номтойбаярт байнга дарамтлуулж, гүтгүүлж, ажлаасаа халагдсан байна. Улмаар Н.Номтойбаярын гэмт үйлдлүүдийг олон нийтэд ил болгосноор өөрт нь ямар нэг аюул нүүрлэхийг ч ойр дотны хүмүүстээ хэлжээ.

Б.Батзоригийг мэдээллээ цацсанаас хойш зургаан долоо хоногийн дараа Б.Отгонбаяр нь  Н.Номтойбаярын үйлдсэн гэх хэргүүдэд эрүүгийн хуулийн холбогдох заалтуудыг  үндэслэн товч анализ хийж, нийт 113 жилийн ял авах нь ээ хэмээн ёгт  утгатай  нийтлэлээ бичсэн байна.

Б.Батзоригийн мэдээлэлд Захиргааны хэргийн шүүхийн шүүгчдэд Н.Номтойбаяр 100 мянган долларын хахууль өгсөн тухай тусгагджээ. Мөн У.Хүрэлсүхэд өгсөн авлигын мөнгөний тоог ч тодорхой хэлсэн байна. Гэтэл Дээд шүүхийн захиргааны хэргийн шүүх танхимын шүүгчид сэтгүүлч Б.Отгонбаяраас 100 сая төгрөгийг нэхэмжилж, Сүхбаатар дүүргийн цагдаагийн хэлтэст ханджээ.

Сэтгүүлч Б.Отгонбаяр нь нэгэнт урьд нь нийтэд цацагдсан Б.Батзоригийн мэдэээллийг л үндэслэж бичсэн тул бусдыг гүтгээгүйгээ тайлбарлаж байна. Гэвч удалгүй түүнд  эрүүгийн хэрэг үүсгэн  мөрдөн байцааж эхэлжээ. Мөрдөн байцаагч Эрдэнэбат нь “Таны хэргийг хаана” гэжээ. Харин Б.Отгонбаяр “Б.Батзоригийн мэдээллийн мөрөөр Н.Номтойбаярын бүх хэргүүдийг нягтлан шалгаж өгнө үү” гэсэн хүсэлтийг мөрдөн байцаагч болон Авлигатай тэмцэх газар, Тагнуулын ерөнхий газарт өгчээ. Харамсалтай нь өнөөг хүртэл хариу ирүүлээгүй байгаа аж.

Эрүүгийн мөрдөн шалгах ажиллагаа ч хуулийн хүрээнд шударга явагдахгүй байгааг “Авлигатай тэмцэх сэтгүүлчдийн клуб” төрийн бус байгууллагын тэргүүн, сэтгүүлч Б.Отгонбаяр энэ өдөр Сүхбаатарын талбайд хийсэн мэдээллийнхээ үеэр хэллээ.

Сэтгүүлч Б.Отгонбаярын Н.Номтойбаярын талаар бичсэн анализ нийтлэл “Дорнодынхон ийм тэнэг юм уу, эсвэл ингэтлээ залилуулав уу” гарчигтайгаар “manaiklub.com” сайтын 2012 оны 7 сарын материалд байгаа аж. Мөн гүүглээр “Номтойбаярын гэмт хэргүүдээс...” гэж хайгаад Б.Батзоригийн яриаг сонсож болох юм байна.

Б.Одон