Улаанбаатарт үүлшинэ. Бороо орно. Салхи зүүн өмнөөс секундэд 5-10 метр, зарим үед секундэд 12-14 метр хүрч ширүүснэ. 25-27 хэм дулаан байна. Нутгийн баруун хагаст үүлэрхэг, баруун зүгийн нутаг, төв болон говийн нутгийн зарим газраар бороо орно. Бусад нутгаар багавтар үүлтэй, бороо орохгүй. Салхи төв болон говийн нутаг, зүүн зүгийн нутгийн баруун хэсгээр зүүн өмнөөс, бусад нутгаар зүүн хойноос секундэд 5-10 метр, нутгийн зүүн хэсгээр зарим үед секундэд 12-14 метр хүрч ширүүснэ. Алтай, Хангай, Хөвсгөлийн уулархаг нутгаар 14-19 хэм, Орхон-Сэлэнгийн сав газар, говийн бүс нутгийн зүүн хэсгээр 27-32 хэм, бусад нутгаар 24-29 хэм дулаан байна.Ойрын өдрүүдэд ихэнх нутгаар бороо орохыг анхааруулж байна. Хэнтэй нуруунаас эхтэй Хэрлэн голын усны түвшин Багануур орчмоор өмнөх өдрөөс 10-15 см нэмэгдэж, үерийн түвшинг 10 см даван үерлэж байна. Иймд Хэрлэн голын сав дагуу суурьшиж, нутаглаж буй ард иргэдийг үер, усны аюулаас сэрэмжлүүлж байна.