Хөдөлмөрийн баатар, Олимпийн алт, мөнгөн медальт Н.Түвшинбаяр энэ жил улсын баяр наадмаар зодоглохоор бэлтгэлдээ гарчээ. Тэрбээр нутгийн бөхчүүд болох “Булганхангайн хүчтэнүүд” дэвжээнийхэнтэй хамт Дуган хад дахь жуулчны баазад бэлтгэлдээ гарсан байна.

Булганы галыг улсын гарьд И.Доржсамбуу ахалж, арслан Д.Азжаргал, заан М.Өсөхбаяр, өсөх идэр начин И.Ёндонсамбуу, Ц.Цогтжаргал, Э.Энхбат нарын 30 гаруй бөх нэгджээ.

Н.Түвшинбаярын хувьд аймгийн арслан цолтой бөгөөд 2011 оны олон ой давхацсан төрийнхөө баяр наадамд зодоглож Хөвсгөл аймгийн Тосонцэнгэл сумын уугуул Ц.Содномдоржийг улсын начин цолтой байх үед дөрвийн даваанд өвдөг шороодож байсан билээ.

Б.Одон