Найман хувийн хүүтэй орон сууцны зээл хэрэгжиж эхлэх зуур гадуур орон сууцны зар гурав дахин нэмэгджээ. Тодруулбал, ам метр талбайн үнэ 100-500 мянган төгрөгөөр өссөн байна. Орон сууцны талбайн үнэ дахин өсчээ.

Мөн орон сууц зарна гэх зарлал хэвлэл мэдээллээр гурав дахин нэмэгдсэн гэнэ. "Байр зарна" гэсэн зараар утасдвал "Үнэ өсч байгаа шүү дээ. Тиймээс манай байрны ханшид ч өөрчлөлт орж байна" гэсэн тайлбар хэлж байна.

Шинэ орон сууцны хувьд хорооллоосоо хамааран нэг ам.метр талбай нь 950 мянгаас дээш төгрөгийн ханштай байсан бол хуучин орон сууцны үнэ ханш нэг өрөө байр дунджаар 60 сая, хоёр өрөө байр 78 сая харин гурван өрөө байр 98 сая төгрөгийн ханштай байна.