Монгол түмэн   шинэ 2011  онтой  золгоод  байна. Тэгвэл  хоёр он солигдох торгон мөчид буюу 2010 оны арванхоёрдугаар сарын 31-нээс 2011 оны нэгдүгээр сарын 1-нд шилжих шөнө Улаанбаатар хотод 69 эх мэнд сайн амаржсан таатай мэдээ  байна.  Эх нялхсын эрдэм шинжилгээний төвд 13 охин, 21 хүү  мэндэлсэн бол 1 дүгээр амаржих газарт 14 эх, II, III-р төрөхөд 8 охин, 13 хүү мэндэлжээ. Сонирхуулахад,  Монгол Улсын Ерөнхийлөгч Ц.Элбэгдорж ард түмэндээ хандаж үг хэлж байх тэр агшинд буюу 12 дугаар сарын 31-ний 23.50 цагт 1 дүгээр төрөхөд  хоёр ихэр охин мэндэлсэн байна.