Америкийн засаг захиргаа Оросод үлдсэн нь тодорхой болсон Эдвард Сноуденыг АНУ-д өгөх хүсэлт гаргажээ. ОХУ-ын ерөнхийлөгч энэ мэдээллийг үгүйсгээгүй бөгөөд Америкийн тагнуулч асан “Шереметьево”-гийн транзит бүсэд одоо хүртэл байгаа гэжээ. Гэвч хоёр улсын хооронд хэрэгтэн дамжуулах гэрээ байхгүй тул Америкийн талаас элдэв дарамт үзүүлэх шаардлагагүй гэдгийг В.Путин онцлон хэлж байна.

Америкийн тал хоёр улсын хоорон ийм гэрээ байхгүйг мэдэж байгаа ч НҮБ-д хамтран ажилладгийн хувьд болон тусгаар тогтносон улсуудын хооронд байх норм, харилцан хүндлэлийн үүднээс Сноуденыг бидэнд өгнө үү гэж мэдэгджээ.

“Ноён Сноуден эрх чөлөөтэй хүн. Эцсийн цэгт очих газраа аль болох хурдан очно тэр хэрээр бидэнд бас түүнд ч сайн” гэж Финландад айлчлал хийж байгаа ерөнхийлөгч В.Путин мэдэгджээ.

Д.Од