Сонгуулийн ерөнхий хороооны дарга Ч.Содномцэрэн дөнгөж сая мэдээлэл хийлээ. Тус сонгуулийн хороонд 1690 хэсгийн хорооны мэдээлэл түр серверт ирээд байгаа аж. Өөрөөр хэлбэл, нийт 1896 хэсгийн хорооноос 1690 хэсгийн хороо мэдээллээ ирүүлээд буй юм. Нийт 1.181.061 сонгогч саналаа өгснөөс 592.199 сонгогч Ардчилсан намаас нэр дэвшигч Ц.Элбэгдоржид, МАН-аас нэр дэвшигч Б.Бат-Эрдэнэд 496.618 сонгогч, МАХН-аас нэр дэвшигч Н.Удвалд 77.296 сонгогч тус итгэл үзүүлэн саналаа өгөөд байна. Энэхүү саналын тоо цаашид нэмэгдэнэ. Учир нь Сонгуулийн ерөнхий хорооноос урьдчилсан мэдээллийг хийгээд байгаа нь энэ юм.