Нийслэлийн Үйлдвэр хөдөө аж ахуйн газар, Дэлхийн зөн олон улсын байгуууллагатай  хамтран “Наадмын гоёл” үзэсгэлэн худалдааг өнөөдөр  ”Улаанбаатар бизнес хөгжлийн төв”-д нээлтээ хийх гэж байна.

“Ажилтай орлоготой Улаанбаатар” хөтөлбөрийн хүрээнд Засгийн газар болон нийслэлээс “Үндэсний үйлдвэрлэл”-ээ дэмжих, ажлын байрыг нэмэгдүүлэхээр зорьж байгаа. Уг зорилтын хүрээнд төрийн худалдан авалтыг үндэсний үйлдвэрлэгчдийн бараа бүтээгдэхүүнээс хийх бодлого барьж байгаа юм. Үзэсгэлэн худалдаанд үндэсний үйлдвэрлэлийн оёмол, сүлжмэл, гар урлал, модон эдлэлийн бичил, жижиг дунд, томоохон үйлдвэрлэгч, нийлүүлэгч зуучлагч, борлуулагч зэрэг 32 аж ахуйн нгэж байгууллага оролцоно. Үзэсгэлэн худалдааны үеэр “ТВ шоп” теле нэвтрүүлэгтэй хамтран шилдэг бүтээгдэхүүний дуудлага худалдаа зохион байгуулж, оролцогч аж ахуйн нэгж, иргэдийн бүтээгдэхүүнийг танилцуулна.Үзэсгэлэн энэ сарын 30-ныг хүртэл үргэлжилнэ.