Монголын түүхэнд хараар тэмдэглэгдсэн 2008 оны долдугаар сарын 1-ний үйл явдал биднийг эвтэй байхыг сануулдаг. Тиймдээ ч алдаанаасаа суралцаж энэ өдрийг гомдол, бухимдлаа гээж уучлал, хайрыг мэдрүүлэх өдөр буюу "Тэврийлдаа" өдөр болгох санаачлагыг залуус эхлүүлжээ. Уг нь олон улсын "Hugging Day" жил бүрийн нэгдүгээр сарын 21 нд болдог. Гэвч фэйсбүүк, твиттер дэх Гоолингоо группын бүсгүйчүүд нэгдэн долдугаар сарын 1-ний өдөр хүмүүсийн сэтгэлд үлдсэн бараан дурсамжийг арилгах өдөр болгохыг зорьсон  аж.

Оройн 18.00 цагт Сүхбаатарын талбай дээр цугласан залуус хажуугаар зөрөх хүмүүсийг ээлжлэн тэвэрч таван жилийн өмнө болсон ашигт хар өдрийг дурсан тэврэлтийн өдөр болгож буйгаа хэлж байв. Хүмүүст тэврэлт бэлэглэх нь маш ихээр таалагдаж байсан юм. Тэд огт танихгүй хүнийг чин сэтгэлээсээ тэвэрч, энэ хорвоод хүн бүхэн эрхэм гэдгийг сануулсанд талархаж байлаа.

П.Наран