Сүү боловсруулах үйлдвэрүүд сүү бэлтгэн нийлүүлэгчдээс түүхий сүүг ердөө 300 төгрөгөөр худалдан авдаг. Гэхдээ тэдний боловсруулсан гэх 80 хувь нь хуурай сүүний хольцтой сүү зах зээлд 1600-1800 төгрөгөөр борлогддог.

Эндээс сүү бэлтгэн нийлүүлэгчид болон хэрэглэгчид хохирч, цөөн тооны эзэд хэт их ашиг олж байгааг буруутгаж, “Монголын сүүний холбоо”–оос төрийн гурван өндөрлөгт шаардлага хүргүүлсэн нь саяхан. Харин тэд сүүний импортыг хязгаарлах, сүүнд татаас олгох зэрэг асуудлаар УИХ-ын гишүүн Л.Эрдэнэчимэгтэй уулзалт хийх гэж байна.

Уулзалт өнөөдөр 13 цагт Төрийн ордны “В” танхимд зохиогдох бөгөөд уулзалтад УИХ-ын гишүүн Д.Тэрбишдагва, Д.Сумьяабазар, ҮХАА-н сайд Х.Баттулга нарын зэрэг албаны хүмүүс оролцох аж.

П.Наран