Баянгол дүүргийн 15 дугаар хорооны нутаг дэвсгэрт энэ сарын 1-2-нд шилжих шөнө гадны нөлөөтэй амиа алдсан эмэгтэйн цогцос олдсон талаар манай сайт мэдээлж байсан. Уг эмэгтэйн цогцост үзлэг хийхэд хүйтэн мэсээр олон удаа хутгалж хөнөөсөн болох нь тогтоогдоод байна. Эх сурвалжийн мэдээлснээр, бусдын гарт амиа алдсан эмэгтэй Чингэлтэй дүүргийн татварын байцаагч бөгөөд түүнийг хамт ажилладаг бүсгүй хөнөөсөн байж болзошгүй гэнэ.

Учир нь талийгаач эмэгтэйг III, IV хорооллын нэгэн байрны найман давхарт хутгалж хөнөөгөөд эд мөрийн баримт болох хутгаа хогийн бункерт хаясан байжээ. Эд мөрийн баримт болох хутганаас хохирогчтой хамт ажилладаг эмэгтэйн гарын хээ олдсон байна. Сэжигтнийг одоогоор саатуулан шалгаж байгаа аж. Хэргийг өс хонзонгийн сэдэлтээр үйлдсэн байж болзошгүй хэмээн албаныхан үзэж байгаа аж.