Монгол Улсын Ерөнхийлөгч Ц.Элбэгдорж ирэх лхагва гаригт Төрийн ордон, Их эзэн Чингис хааны хөшөөний өмнө тангараг өргөх билээ. Энэхүү арга хэмжээ тусгай хөтөлбөрийн дагуу болох бөгөөд УИХ-ын хүндэтгэлийн хуралдаан  Төрийн ордны гадна болно. Ерөнхийлөгчийн тангараг өргөх ёслолд зориулж үлгэр жишээ үлээвэр найрал хөгжим /ҮЖҮНХ/ марш аялгуу тоглох бол Цэргийн дуу бүжгийн чуулгын бүжигчид угтах ёслолын бүжиг бүжих аж. Түүнчлэн энэ үеэр цэргийн жагсаал болох юм. Ерөнхийлөгчийн тангараг өргөх арга хэмжээ үүгээр дуусахгүй бөгөөд Гадаадын зочин төлөөлөгчдийн тэргүүн нарыг Төрийн есөн хөлт Их цагаан тугт танхимд Ерөнхийлөгч Ц.Элбэгдорж хүлээн авч уулзан дурсгалын зураг татуулна. Д.Цэцэг