Монгол улсын Ерөнхий сайд Н.Алтанхуягт хандан,  энэ оны 6 дугаар сарын 28-нд Эрүүл мэндийн сайд Н.Удвал ЭМЯ-ны төрийн нарийн бичгийн дарга Ж.Хатанбаатарыг үүрэгт ажлаас нь чөлөөлүүлэхээр хүсэлт гаргасан. Уг хүсэлтийг өнгөрсөн бямба Засгийн газрын хуралдаанаар  хэлэлцээд, Ж.Хатанбаатарыг ЭМЯ-ны төрийн нарийн бичгийн даргын үүрэгт ажлаас нь чөлөөлөх зүйтэй гэсэн шийдвэр гаргасан билээ. Тэгвэл ЭМЯ-ны Төрийн нарийн бичгийн дарга асан Ж.Хатанбаатартай холбогдож дараах тодруулгыг авлаа.

.

 -Сайн байна уу. Шууд.мн сайтаас ярьж байна. Таныг өчигдөр ЭМЯ-ны төрийн нарийн бичгийн даргын үүрэгт ажлаас чөлөөлжээ. Засгийн газраас гаргасан энэ шийдвэрт та ямар байр суурьтай байна вэ?

-Засгийн газар нэгэнт шийдвэрээ гаргасан. Тиймээс энэ асуудалд ямар нэг тайлбар хиймээргүй байна

.

-Таныг ЭМЯ-ны сайд Н.Удвалтай үйл ойлголцсон гэх “бор шувуу” нисэж байсан. Энэ үнэн үү?

- Н.Удвал сайд бид 2-ын хооронд ямар нэгэн асуудал байгаагүй гэж би өөрийнхөө хувьд ойлгож байсан.

.

-Эмнэлэгийн дарга нарын сонгон шалгаруулалтын талаарх асуудал байгаагүй гэж үү?

-Эмнэлэгийн дарга нарын сонгон шалгаруулалтын асуудал Төрийн албаны хуулиар зохицуулагдах ёстой. Миний хувьд Төрийн албаны салбар зөвлөлийн даргын хувьд Н.Удвал сайдын захиалгын дагуу сонгон шалгаруулалтыг явуулсан. Үүнд Н.Удвал сайдын хувьд сонгон шалгаруулалт явуулахыг хориглосон. Яг нарийндаа бол төрийн удирдах өндөр албан тушаалтан, төсвийн ерөнхийлөн захирагч нар төрийн албан хаагчын удирдах ажилтны сонгон шалгаруулалтанд хөндлөнгөөс оролцохыг хориглоно гэсэн хуультай байдаг. Харин би хуулиа биелүүлсэн.

.

Б.Одон