Сьерра Леоне улсын Ерөнхийлөгч Эрнест Корома Хятадад айлчлан олон салбарт хамтран ажиллах гэрээ байгуулсан талаар Хятадын Засгийн газраас мэдэгдлээ. Нийт найман тэрбум ам.долларын төслийн хүрээнд Хятадын компаниуд Сьерра Леонийн нийслэл Фритаун хотод далайн шинэ боомт, уурхай, цахилгаан станц, 250 км урт төмөр зам, олон улсын нисэх буудал зэргийг барьж өгөхөөр болсон байна.

.

Ерөнхийлөгч Корома “Манай хятад түншүүд  бидний хөгжлийг сэргээх ийм олон чухал үүргийг хүлээх болсонд би баяртай байна” гэж мэдэгджээ. “Сьерра Леоне улс нь эдийн засгийн хувьд нэлээд тогтворгүй, ДНБ-ий нэг хүнд ногдох хэмжээгээрээ дэлхийд 215 дугаарт ордог, хүн амын 70 хувь нэн ядуу. Газар зүйн хувьд Баруун Африкт байрладаг бөгөөд зургаан сая хүн амтай. Хятад улсын хувьд ази тивдээ эдийн засгийн чөлөөт гарцтай орон, тиймээс эдийн засгийн чөлөөт боломж үзүүлэх нь бидний үүрэг” хэмээн Хятадын эдийн засгийн сайд хэлсэн байна.

.

Б.Дэлгэрцэцэг